Општината Евере во Брисел воведе забрана за употреба на алкохол на јавни места

БРИСЕЛ (АА) - Општината Евере во Брисел, главниот град на Белгија, забрани употреба на алкохол на јавни места, пренесува Агенција Анадолија (АА).

Според одлуката донесена од градоначалникот на Евере, Ридуан Шахид, пијалаците со содржина на алкохол над 1,2 отсто нема да можат да се продаваат меѓу 20.00 и 07.00 часот.

Слична забрана за првпат беше применета во туристичките области во центарот на Брисел од полноќ до утринските часови, од февруари 2020 година.

Во октомври 2021 година, границите на „безалкохолната зона“ беа проширени со додавање нови улици, а времетраењето на забраната беше проширено на 24 часа.

Казната за пиење на алкохол во забранета зона е 350 евра.

Одлуката за забрана на алкохол е донесена по поплаки за безбедносни проблеми и бучава предизвикана од пијани луѓе во централните области на градот.