Откриен вториот најголем дијамант во светот

ДАКАР (АА) – Во еден рудник во јужноафриканската земја Боцвана, откриен е вториот најголем дијамант во светот, пренесува Anadolu Agency (AA).

Според соопштението на компанијата „Лукара дијамант“ со седиште во Канада, во рудникот Карове откриен е необработен дијамант од 1758 карати.

Вредноста и квалитетот на дијамантот сè уште се анализираат. Дијамантот е најголемиот досега откриен во Боцвана, а втор по големина во светот.

Необработениот дијамант е поголем од тениска топка, и тежи 352 грама.

Во рудникот Орапа, исто така во Боцвана, неодамна беше откриен редок син дијамант.

Најголемиот дијамант во светот, „Кулинан“, од 3.106 карати е откриен во 1905 година во Јужна Африка.