Путин: Влезот на Финска и Шведска во НАТО не е закана за Русија, но ќе има одговор

МОСКВА (АА) - Рускиот претседател, Владимир Путин, изјави дека Русија нема никакви проблеми со Финска и Шведска и затоа нивниот влез во НАТО не создава закана за Москва, но дека овој потег секако ќе донесе одговор, јавува Агенција Анадолија (АА).

„Русија нема проблеми со овие држави (Финска, Шведска). Нема непосредна закана за Русија... Но, проширувањето на воената инфраструктура на оваа територија секако ќе предизвика наш одговор“, рече тој на состанокот на лидерите на Организацијата на Договорот за колективна безбедност (CSTO).

„Одговорот ќе зависи од чекорите што ќе ги преземе Алијансата во однос на воениот развој во Финска и Шведска“, додаде Путин.

Самитот на ЦСТО ја одбележа 30-годишнината од Договорот за колективна безбедност и 20-годишнината од организацијата, што беше формирана 10 години по потпишувањето на договорот.

Лидерите на Финска и Шведска ја потврдија својата намера да се приклучат на НАТО, напуштајќи го децениското воено усогласување.