Ethem Emre Özcan
30 Март 2023•Ажурирај: 31 Март 2023
АНКАРА (АА) - Режимот на Башар ал Асад тврди дека Израел извршил воздушни напади врз некои точки во сирискиот главен град Дамаск, пренесува Анадолу.
Новинската агенција на режимот на Асад, САНА, врз основа на воени извори, тврди дека некои точки околу центарот на градот Дамаск биле цел на воздушни напади од израелските сили во 01:20 часот по локално време.
Во веста се наведува дека во нападот се повредени двајца припадници на режимот и се додава: „Нашите системи за противвоздушна одбрана соборија некои од непријателските проектили.“
Израелските власти не дадоа никакво објаснување во врска со нападот.
Се знае дека покрај армијата на режимот, во Дамаск и неговите рурални подрачја присутни се терористички групи што се под команда на Иранската револуционерна гарда, особено либански елементи на Хезболах.
Од 2011 година, кога започна граѓанската војна, досега Израел повремено спроведува напади во Сирија врз групите поддржани од Иран и врз воени точки на сирискиот режим.
