Rabia İclal Turan
06 Октомври 2023•Ажурирај: 07 Октомври 2023
ВАШИНГТОН (АА) - Пентагон денес соопшти дека Соединетите Американски Држави (САД) ја признаваат „легитимната безбедносна загриженост“ на Туркије, истакнувајќи дека Туркије е еден од нејзините „најсилни и најценети сојузници во НАТО“, јавува Анадолу.
Портпаролот на Пентагон, Патрик Рајдер, на дневниот брифинг со новинарите изјави дека министерот за одбрана Лојд Остин вчера телефонски разговарал со својот турски колега Јашар Ѓулер.
Рајдер истакна дека за време на разговорот Остин ја потврдил „легитимната безбедноса загриженост“ на Туркије и ја нагласи важноста од блиска координација меѓу САД и Туркије за да се спречи каков било ризик за американските сили или глобалната коалиција за неутрализирање на ДЕАШ.
На прашањето за американскиот борбен авион што собори турско беспилотно летало во Ал Хасека, Сирија, Рајдер изјави: „Туркије е еден од нашите најсилни и најценети сојузници во НАТО и тоа партнерство продолжува и ќе продолжи. Значи, ова е секако инцидент за којшто жалиме“.
- „Не постојат индикации“ дека Туркије „намерно ги таргетира“ американските сили -
Рајдер рече дека турското беспилотно летало влегло во „забранета оперативна зона“ (ROZ) на движење кон местото каде што се наоѓаат американските сили околу 11:30 часот по локално време, што американските команданти го оцениле како „потенцијална закана“.
Турското беспилотно летало беше соборено од американските ловци Ф-16 во 11:40 часот по локално време.
Тој истакна дека „не постојат индикации“ дека Туркије „намерно ги таргетира“ американските сили.
Двете страни ќе продолжат „тесно да се координираат за да спречат ставање на американските сили во ризик“.
- Борбата на Туркије против тероризмот -
Во врска со борбата на Туркије против тероризмот, Рајдер рече дека САД стојат „цврсто“ со својот сојузник во НАТО, Туркије, и турскиот народ во нивната борба против ПКК, која е означена како странска терористичка организација од САД.
„Значи, ние го осудуваме секој акт на тероризам против Туркије и народот на Туркије. И ние признаваме дека ПКК претставува легитимна безбедносна закана“, рече тој.
