Сирискиот претседател пристигна во Турција на климатскиот самит КОП31

Сирискиот претседател Ахмад ал-Шара денес пристигна во јужната турска покраина Анталија за да учествува на 31. Конференција на страните на Рамковната конвенција на ОН за климатски промени (КОП31), јавува Анадолу.

Официјалната Сириска арапска новинска агенција (САНА) го потврди пристигнувањето на Шара во Анталија „за учество на 31. Конференција на ОН за климатски промени (КОП31)“.

Агенцијата не објави дополнителни детали за неговата агенда.

Посетата на Шара се совпаѓа со дводневниот самит на шефови на држави и влади, предвиден за 11 и 12 ноември.

Програмата опфаќа обраќања и билатерални средби, а на отворањето се очекува да зборуваат турскиот претседател Реџеп Таип Ердоган и генералниот секретар на ОН Антонио Гутереш.

КОП31 започна во понеделникот и ќе трае до 20 ноември. Ова е првпат Турција да биде домаќин на конференцијата на ОН за климатски промени, додека Австралија претседава со преговорите.

Според ОН, агендата е насочена кон климатското финансирање, приспособувањето кон климатските промени и транзицијата кон чиста енергија.