Сириските велосипедисти со тура од Идлиб до Дамаск ја одбележаа годишнината од падот на режимот на Асад

СКОПЈЕ (АА) - Стотици велосипедисти се собраа во северозападната сириска покраина Идлиб за да ја извозат рутата насловена „Операцијата за одвраќање на непријателот“ - воената акција што резултираше со пад на режимот на Башар ал-Асад, јавува Анадолу.

Велосипедистите возеа од Идлиб преку Алепо, Хама и Хомс кон Дамаск.

Со трката велосипедистите ја одбележаа првата годишнина од револуцијата на 8 Декември, но обемот на уништување низ Сирија останува огромен.

Режимот на партијата Баас, која беше на власт од 1963 година, заврши кога лидерот на Сирија речиси 25 години, Башар ал-Асад, избега во Русија во декември 2024 година. Новата администрација предводена од претседателот Ахмед ал-Шара беше формирана во јануари.