ИСТАНБУЛ (АА) - САД објавија дека нападнале 9 цели во Сирија поврзани со групите поддржани од Иран како одговор на нападите врз нивниот персонал, известува Анадолу.

Во соопштението објавено на официјалната веб-страница на американската Централна команда (ЦЕНТКОМ) се наведува дека САД одговориле на нападите врз американскиот персонал во Сирија во рамките на борбата против терористичката организација ДЕАШ.

ЦЕНТКОМ наведе дека во 2 региона во Сирија нападнале 9 цели поврзани со групите поддржани од Иран, додавајќи дека со тоа е намалена можноста овие групи да извршат напад врз САД и нивните сојузници во иднина.

Генерал Мајкл Ерик Курила, командантот на ЦЕНТКОМ, изјави дека нема да толерираат напади врз американските сили и дека ќе продолжат да ги преземаат сите неопходни чекори за заштита на американскиот персонал и партнери.