Nilay Kar
10 Јануари 2020•Ажурирај: 11 Јануари 2020
ИСТАНБУЛ
Турската хуманитарна организација ИХХ бара начин да се спречи масовниот отстрел на камилите во екстремно погодената од суша Јужна Австралија, каде што овие животни со консумација на питка вода ги загрозуваат локалните заедници, јавува Агенција Анадолија (АА).
Потпретседателот на една од водечките турски хуманитарни организации ИХХ, Серкан Нергис, најави дека ќе ги контактира австралиските колеги за заеднички да се обидат да ја надминат таа ситуација.
Нергис предложи и во случај на непходен отстрел на камилите, нивното месо да се искористи наменски.
„На пример... нивното месо може да биде поделено на луѓето на кои тоа им е потребно“, порача Нергис на Твитер.
Илјадници камили во регионот Анангу Питјантјатјара Јанкунитјатјара (APY), на северозападниот дел на Јужна Австралија, би требало оваа недела да бидат убиени во операција која ќе ја извршат снајперисти од хеликоптер.
„Поради инвазијата на камили кои трагаат по вода, загрозени се абориџинските заедници во оддалечениот регион Анангу Питјантјатјара Јанкунитјатјара. Неопходна е итната контрола на камилите на тоа подрачје кое е погодено со екстремна суша“, порачаа локалните власти од Анангу Питјантјатјара Јанкунитјатјара.
