Турските војници продолжуваат да патролираат во пограничниот регион меѓу Косово и Србија

ПРИШТИНА (АА) - Турските војници кои служат во мировната мисија на НАТО во Косово (КФОР) продолжуваат да патролираат во пограничниот регион меѓу Косово и Србија за да осигурат безбедност, пренесува Анадолу.

КФОР на социјалните мрежи сподели фотографии од нивната патролна активност.

Се нагласува дека КФОР продолжува целосно да го спроведува својот мандат за обезбедување безбедна и сигурна средина и слобода на движење за сите заедници во Косово.

КФОР го зголеми своето присуство и патролните активности во регионот по последните тензии меѓу Владата во Приштина и локалните Срби.

Војниците на КФОР беа распоредени во Косово на 12 јуни 1999 година по одлуката на Советот за безбедност на ОН да се обезбеди безбедност и стабилност.

Мисијата има повеќе од 4.500 воен персонал од 27 земји, вклучително и од 21 членка на НАТО и шест земји партнери кои не се членки на НАТО.

Туркије го има вториот по големина контингент во КФОР, со најмалку 780 војници.