Уапсен поранешен шеф на службата за разузнавање, обвинет за стотици убиства за време на владеењето на Хафез ал Асад

Сириските безбедносни сили денеска го приведоа поранешниот шеф на службата за разузнавање, обвинет за извршување на стотици егзекуции за време на поранешниот режим на Хафез ал Асад, пренесува Анадолу.

„По внимателно следење и истрага, нашите сили во градот Џабле успешно го приведоа генералот Ибрахим Хувеја, поранешен шеф на сириската Генерална разузнавачка служба, кој е обвинет за стотици атентати за време на владеењето на Хафез ал Асад, вклучително и за надгледување на атентатот на Камал Џамблат“, објави сириската новинска агенција САНА.

Џамблат беше истакнат либански политичар, познат по основањето на Прогресивната социјалистичка партија и залагањето за демократија и арапски национализам. Џамблат беше убиен во 1977 година.

Од падот на режимот на Башар ал Асад во декември минатата година, воените власти на Сирија отворија центри за помирување за лицата лојални на поранешниот режим, за да го предадат своето оружје. Сепак, некои фракции одбија да се покорат, што доведе до конфликти во повеќе провинции.