Филипинската полиција: Седуммина рудари најверојатно починаа поради труење со гас

Најмалку седуммина рудари на Филипини најверојатно починаа поради труење со гас, соопшти денес полицијата, а истрагата за смртоносниот инцидент продолжува, пренесува Анадолу.

Рударите загинаа во средата навечер во мал рударски тунел во Бенгет, на северниот остров Лузон, објави весникот „Манила тајмс“.

Телата на загинатите, кои се на возраст од 18 до 62 години, се извлечени вчера на околу 20 метри од влезот на тунелот.

Полицијата не прецизираше за каков гас станува збор и наведе дека сè уште не го утврдила неговиот извор.

Роднините на жртвите изјавија дека веруваат оти смртта на рударите е несреќен случај.