Флотилата „Сумуд“ работи на спречување на Израел да ги заплена бродовите кои сакаа да ја пробијат блокадата на Газа

ЖЕНЕВА (АА)

Мухамет ИКБАЛ АРСЛАН -

Хусејин Дурмаз, координатор на турската делегација на Глобалната флотила „Сумуд“, изјави дека започнале законска постапка за да го спречат Израел да ги заплени 50-те бродови што учествуваат во Глобалната флотила „Сумуд“ и „Флотилата на слободата“, кои незаконски ги држи во пристаништето Аштод. Дурмаз истакна дека започнале правен процес и дека ќе ги вратат сите овие бродови од Израел, јавува Анадолу.

Дурмаз зборуваше за обидите на Израел незаконски да ги заплени бродовите што учествуваат во Глобалната флотила „Сумуд“ и „Флотилата на слободата“, кои имаа за цел да ја пробијат блокадата врз Газа и да достават хуманитарна помош, како и за напорите што ги преземаат за решавање на ова прашање.

Дурмаз рече дека не веруваат оти Израел ќе се придржува до договорот за прекин на огнот постигнат меѓу Израел и Хамас во Газа, додавајќи дека Израел бил принуден да прифати таков процес под притисок на меѓународната заедница и совесните луѓе.

Тој истакна дека Израел често го кршел прекинот на огнот и ги прекршил дадените ветувања.

Нагласувајќи дека влегле во период во кој треба да бидат поактивни наспроти досегашната акција, Дурмаз рече:

„Неодамна одржавме состанок за евалуација по Глобалната флотила Сумуд и разменивме мислења за процесот. Доколку овие прекршувања од страна на Израел и оваа ситуација продолжат, изразивме намера да воспоставиме втора Глобална флотила Сумуд“.

Дурмаз се осврна на тврдењата на израелскиот обвинител дека компании што поседуваат 16 бродови од Глобалната флотила „Сумуд“ и „Флотилата на слободата“ имале врски со Хамас.

- „Ќе ги вратиме сите овие бродови од Израел“ -

Дурмаз истакна дека Израел има различни иницијативи по ова прашање и додаде:

„Бидејќи Израел ги заплени бродовите во меѓународни води, имаме законско право да ги вратиме и да го тужиме. Започнавме правна постапка во врска со ова. Тие измислуваат лажни и манипулативни вести за да го спречат враќањето на овие бродови и да го комплицираат процесот. Тврдењето на израелското обвинителство дека компаниите што ги поседуваат 16-те бродови (во флотилата) имаат врски со Хамас е целосна клевета и лага. Нема никакви докази. Ние сме во право и ги спроведуваме сите правни процеси во врска со ова прашање, и на домашно и на глобално ниво. Ќе ги вратиме сите овие бродови запленети од Израел.“

Дурмаз рече дека Израел држи 50 бродови, од кои 41 ѝ припаѓаат на Глобалната флотила „Сумуд“, а 9 на „Флотилата на слободата“.

„Израел во моментов ги заплени, ги киднапираше овие 50 бродови“, изјави Дурмаз, додавајќи дека овие бродови се усидрени во пристаништето Ашдод.

- „Израел ќе биде принуден да ги врати бродовите“ -

„Од претходното искуство знаеме дека (Израел) ќе биде принуден да ги врати бродовите бидејќи она што го прави е нелегално и претставува кршење на меѓународното право, но се труди да ги направи неупотребливи и да ги оштети за да не можат повторно да се користат во друга флота. Свесни сме за сето тоа и ќе преземеме релевантни процеси и законски постапки“, рече Дурмаз.

Тој изјави дека израелското обвинителство поднело обвинение до Поморскиот суд во Хаифа за запленувањето на бродовите, а обвинувањата на Израел ги опиша како евтини трикови оркестрирани за „повторно добивање поддршка од западното јавно мислење и владите“.

„Денес, светот знае што е Израел. Луѓето со совест го знаат тоа. Никој, без двоумење, не верува во ветувањето на Израел за прекин на огнот. Ни ние не му веруваме, го кажуваме ова уште првиот ден. Нашата борба за пробивање на блокадата и ембаргото ќе продолжи сè додека луѓето од Газа, исто како и луѓето насекаде низ светот, не бидат слободни да влегуваат и излегуваат, да купуваат и продаваат што ќе посакаат“, рече Дурмаз.

Израелското обвинителството поднесе барање до Поморскиот суд во Хаифа за трајна конфискација на 50 странски бродови кои учествувале во Глобалната флотила „Сумуд“ и „Флотилата на слободата“, кои се обидоа да ја пробијат блокадата наметната на Појасот Газа од страна на Израел.

Ова барање било вклучено во документ што обвинителството го доставило до судот.