Muhammet Kurşun
07 Октомври 2019•Ажурирај: 08 Октомври 2019
ТЕХЕРАН (АА) - Иранскиот лидер, Али Хаменеј, истакна дека „непријателите“ се обидуваат да создадат раздор меѓу Иран и Ирак, но дека нема да успеат, пренесува Anadolu Agency (AA).
Хаменеј преку својот Твитер профил се осврна на тековните антивладини демонстрации кои се одржуваат во главниот град на Ирак, Багдад, и во некои градови.
Хаменеј, истакнувајќи дека Иран и граѓаните на Ирак се поврзани едни со други и дека оваа врска ќе стане посилна со секој изминат ден, рече: „Непријателите се обидуваат да создадат раздор, но тие нема да успеат во тоа и нивните заговори ќе бидат неефикасни.“
Во Багдад и во јужните градови во Ирак од 1 октомври се одржуваат демонстрации поради „корупцијата, невработеноста и недостатокот на јавни услуги“.
Во демонстрациите од 1 октомври досега загинаа 104 лица, а 6.107 лица се повредени.
