Швајцарските планини бележат рекордно високи температури

Планинските региони во Швајцарија бележат рекордно високи температури во услови на топлотен бран што ја зафати Европа, објави денес телевизијата „Свисинфо“, пренесува Анадолу.

Во Мајринген, во кантонот Берн, на надморска височина од 600 метри, температурите во неделата достигнаа 34,6 Целзиусови степени, што претставува највисока температура досега измерена во август во ова место.

Додека високите температури ги зафатија и планинските подрачја, „МетеоСвис“, според наводите, ги проширила предупредувањата за топлотен бран на поголемиот дел од земјата.

Во неделата температурите на Сентиш, на надморска височина од 2.502 метри, достигнаа 17 степени Целзиусови, во Енгелберг, на 1.013 метри, 29 степени, а во Давос, на 1.205 метри, 27 Целзиусови степени.

Сите три места забележаа дневни температурни рекорди.