Ahmet Furkan Mercan
19 Мај 2022•Ажурирај: 19 Мај 2022
ТОКИО (АА) - Јапонската Влада објави дека е подготвена да учествува во Индопацифичката економска рамка (IPEF), подготвена под водство на САД, јавува Агенција Анадолија (АА).
„Јапонија ја поздравува Индопацифичката економска рамка (IPEF) како олицетворение на активната посветеност на САД кон Индопацифичкиот Регион и со нетрпение очекува да се приклучи“, рече во средата на прес-конференција главниот секретар на Кабинетот, Хироказу Мацуно.
„Проценката беше направена врз основа на реализација на визијата за слободен и отворен Индопацифик, термин со широк опсег кој ги опфаќа индопацифичките специфични стратегии на земји со слични интереси во регионот“, рече Мацуно, додавајќи дека тие ќе продолжат да ги повикуваат САД да се приклучат кон Договорот за транспацифичко партнерство (TPP).
„Ќе продолжиме да работиме со Обединетите нации за да ја зголемиме соработката преку ИПЕФ и да го изградиме посакуваниот економски поредок во регионот“, рече тој.
Иницијативата предводена од САД е план за промоција на високи стандарди на трговија, дигитализација на економијата, развој на синџири за снабдување и олеснување на инвестициите во инфраструктурата.
Американскиот претседател Џо Бајден треба да ги посети Јужна Кореја и Јапонија од 20 до 25 мај и да го најави официјалното започнување на ИПЕФ во Токио, каде што ќе биде дел од Самитот на четворица лидери (Quad Leaders' Summit).
