Јужен Судан: Вооружена опозициска група усмрти 17 лица

ЏУБА (АА) - Вооружената опозициска група изврши напад на владините сили во централната покраина Јужен Лиех во Јужен Судан, усмртувајќи 17 лица, соопштија денес безбедносни извори, пренесува Anadolu Agency (AA).

Соопштено е дека по нападот лицата кои се наоѓале во близина се сокриле во седиштето на ОН во градот Леру.

Јужен Судан кон средината на декември 2013 година влезе во политички и воен хаос кога претседателот Салва Кир го отпушти својот заменик Мачар поради сомнежи дека подготвувал државен удар.

Од избивањето на судирите, десетици илјади лица загинаа, а речиси четири милиони се раселени.