Њујорк: Православните Евреи против задолжителна воена служба во Израел

ЊУЈОРК (АА) - Православните Евреи во Њујорк, Соединетите Американски Држави (САД), протестираа против практиката на задолжителна воена служба на Армијата на Израел, јавува Anadolu Agency (АА)

Една група православни Евреи се собраа пред постојаното претставништво на Израел во Обединетите нации (ОН), каде што протестираа против политиките на Армијата на Израел за задолжителна воена служба.

Демонстрантите за време на протестот носеа транспаренти со пароли како: „Нема да ѝ служиме на една држава што не ја признаваме“, „Евреите ја осудуваат израелската суровост“.

Мажите во Израел отслужуваат задолжителен воен рок од 2 години и 8 месеци, а жените од 2 години.