ЕВРО 2024: Нерешено одиграа Шкотска - Швајцарија и Хрватска - Албанија, Германија ја совлада Унгарија
- Денес на програмата се три средби. Се среќаваат Словенија - Србија во 15:00 часот, Данска - Англија во 18:00 и Шпанија - Италија во 21:00 часот
![ЕВРО 2024: Нерешено одиграа Шкотска - Швајцарија и Хрватска - Албанија, Германија ја совлада Унгарија](https://cdnuploads.aa.com.tr/uploads/Contents/2024/06/20/thumbs_b_c_beb04655b68eb12cecddd87a49b025fd.jpg?v=112440)
КЕЛН / ХАМБУРГ / ШТУТГАРТ (АА)
Вчера на програмата беа три средби од второто коло на Европското фудбалско првенство ЕВРО 2024 што се игра во Германија, известува Анадолу.
- Шкотска и Швајцарија ремизираа
Во групата „А“ фудбалските репрезентации на Шкотска и Швајцарија ремизираа 1:1. Натпреварот се одигра на стадионот „Рајненергија“ во Келн. Шкотите поведоа во 13. минута со голот на Скот Мектоминај, а репрезентацијата на Швајцарија израмни во 26. минута со прекрасниот гол на Џердан Шаќири.
До крајот на средбата и двете селекции имаа по неколку добри шанси, но резултатот не се промени, а со ова реми Швајцарија се доближи на чекор до осминафиналето, додека Шкотска сѐ уште има шанси за пласман во осминафиналето.
- Германија - Унгарија 2:0
Во вториот натпревар од групата „А“ на ЕВРО 2024, германската фудбалска репрезентација ја совлада Унгарија со 2:0.
Средбата се одигра на преполната „МХХАрена“ во Штутгарт. Домаќинот на турнирот, Германија, поведе во 22. минута со голот на Џамал Мусиала на асистенција на Илкај Ѓундоган.
Германскиот тим ја зголеми предноста во 67. минута преку Ѓундоган, кој постигна погодок по одличната асистенција на Максимилијан Мителштад.
На првото место во групата А е Германија со 6 бодови. Втора е Швајцарија со 4, третопласирана е Шкотска со еден бод, додека селекцијата на Унгарија нема бодови.
- Во групата Б се одигра средбата Хрватска - Албанија
Во Хамбург, на „Фолкспаркстадион“ се одигра средбата од второто коло од групата „Б“ на ЕВРО 2024 меѓу репрезентациите на Хрватска и Албанија. Средбата заврши без победник, 2:2.
Албанија поведе во 11. минута со голот на Ќазим Лачи. Хрватскиот тим потоа тргна агресивно и по бројните напади успеа да израмни дури во 74. минута преку Андреј Крамариќ. Две минути подоцна хрватскиот тим поведе со автоголот на Клаус Ѓасула со 2:1.
Сепак, по неколку добри напади, албанската репрезентација успеа да израмни на 2:2 со голот на Ѓасула во петтата минута од судиското надополнување, што беше и конечен резултат на средбата.
Селекциите на Шпанија и Италија имаат по 3 бода, а Албанија и Хрватска имаат по 1 бод. Денес во групата Б се среќаваат Шпанија и Италија. За пласман во осминафиналето на Хрвтска и Албанија ќе им бидат потребни победи во последното коло, каде Хрватска игра против Италија, а Албанија против Шпанија.
Денес на програмата се три натпревари. Се среќаваат:
15:00 Словенија - Србија
18:00 Данска - Англија
21:00 Шпанија - Италија.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.