Екстремен велосипедски спуст по улиците на Валпараисо во Чиле

- Прекрасниот чилеански град Валпараисо од 2003 година е домаќин на планински велосипедисти од целиот свет, кои доаѓаат за да се тркаат низ скалите, острите агли и тесните улици на пристанишниот град изграден на стрмни падини

ВАЛПАРАИСО (АА) - Бразилецот Лукас Борба беше побрз од Фелипе Агурто во драматичниот финиш на трката на РБ Валпараисо Серо Абајо, известува Анадолу.

Прекрасниот чилеански град Валпараисо од 2003 година е домаќин на планински велосипедисти од целиот свет, кои доаѓаат за да се тркаат низ скалите, острите агли и тесните улици на пристанишниот град изграден на стрмни падини.

Патеката долга 2,4 километри во градот што е под заштита на УНЕСКО, со околу 1.605 скали и десетици остри кривини, почнува на врвот на ридот Серо Карсел, продолжува низ ридот покрај плоштадот Бизмарк и улицата Атахуалпа, кон фонтаната на Нептун на плоштадот Анибал Пинто, а целта е во центарот на градот.

На патот кон целта натпреварувачите возат покрај покривите на куќите низ познатите скали Бокачо, од каде што продолжуваат до преминот низ внатрешноста на хотелот Фаро Азул.