Меси го доведе Интер Мајами до титула и стана најтрофејниот фудбалер во историјата

ЊУЈОРК (АА) - Аргентинската фудбалска ѕвезда Лионел Меси го доведе Интер Мајами до титулата шампион во американско-мексиканскиот Лига Куп, јавува Анадолу.

Во финалниот меч се сретнаа Интер Мајами и Нешвил.

Регуларниот дел од натпреварот заврши со резултат 1:1 со головите на Меси во 23. минута и на Фафе Пико во 57. минута.

Сепак на крајот Интер Мајами славеше со подобро изведување пенали и така стигна до првата титула во историјата.

Меси постигна десет гола на седум натпревари за Интер Мајами.

Овој Лига куп е прв трофеј за Меси во дресот на Интер Мајами, а во досегашната кариера има освоено дури 44 трофеи, со што го собори рекордот на Дани Алвеш и стана најтрофејниот фудбалер во историјата.

Меси освои 35 титули со Барселона, пет со Аргентина, три со ПСЖ и една со Интер Мајами.