НБА: Актуелниот шампион Милвоки Бакс гo симна тимот на Севентисиксерс од врвот на Источната конференција

АНКАРА

Во американската Национална кошаркарска лига (НБА), актуелниот шампион Милвоки Бакс ја совлада Филаделфија Севентисиксерс со 118 : 109, известува Агенција Анадолија (АА).

Синоќа се одиграа три натпревари во НБА. Бакс, актуелниот шампион, кој лошо ја започна сезоната, извојува победа на гостинскиот терен на Филаделфија Севентисиксерс. Домаќините, кои беа на чело во Источната конференција пред овој натпревар, по поразот паднаа на четврто место.

Во редовите на Бакс дабл-дабл учинок постигнаа Јанис Антетокумпо со 31 поен, 16 скока, 4 асистенции и Боби Портис со 19 поени, 10 скока, 3 асистенции, додека Грејсон Ален постигна 25 поени, 3 асистенции, 2 скока,

Филаделфија Севентисиксерс во чии редови недостига Џоел Ембид, го доживеа својот втор последователен пораз. Најпрецизни кај Филаделфија беа Тајрис Макси со 31 поен, 5 скока, Шејк Милтон со 20 поени, 6 асистенции и Андре Драмонд со дабл-дабл од 17 поени и 20 асистенции, но тоа не беше доволно за да се избегне поразот од Бакс.

Фуркан Коркмаз, кој на претходните натпревари прикажа добар перформанс, на оваа средба имаше една од најлошите шутерски изведби во својата кариера. Покрај перформансот од 2 погодоци од 18 обиди и постигнати 5 поени, Фуркан забележа и 5 скока и 5 асистенции.

- Клиперс ја постигна својата петта последователна победа

Лос Анџелес Клиперс кој во првите пет натпревари доживеа четири порази, ја продолжува својата победничка серија, совладувајќи го Портланд Трејл Блејзерс со 117 : 109.

Најзаслужни за победата на Киперс беа Пол Џорџ со 24 поени, 9 скока, 7 асистенции, Реџи Џексон со 23 поени, 6 асистенции и Николас Батум со 22 поени и 6 скока.

Кај Портланд Трејл Блејзерс најпрецизни беа Дејмијан Лилард со 27 поени, 6 асистенции, 5 скока, Норман Пауел со 23 поени и Јусуф Нуркиќ со 15 поени, 13 скока и 6 асистенции.

Во друг натпревар на Западната конференција, фаворизираниот тим на Јута Џез на домашен терен ја совлада екипата на Атланта Хоукс со 110 - 98. Хоукс го претрпе својот петти последователен пораз.

Резултати:

Филаделфија Севентисиксерс - Милвоки Бакс 109:118

Лос Анџелес Клиперс - Портланд Трејл Блејзерс 117:109

Јута Џез - Атланта Хоукс 110:98