Аеродромот Истанбул го собори рекордот по бројот на дневни патници во Турција и Европа

Аеродромот Истанбул го собори историскиот дневен рекорд по бројот на патници во Турција и Европа, соопшти министерот за транспорт и инфраструктура Абдулкадир Уралоглу, јавува Анадолу.

Во објава на турската платформа за социјални медиуми „НСосијал“, Уралоглу соопшти дека аеродромот на 9 август опслужил 289.732 патници.

„Нашиот аеродром во Истанбул на 9 август опслужи 289.732 патници, со што повторно е забележан највисокиот број на дневни патници досега во Турција и Европа“, рече тој.

„Со силната транспортна инфраструктура што ја изградивме, ја зајакнуваме позицијата на Истанбул како глобален воздухопловен центар“, додаде тој.