Ердоган: Туркије сака искрено да ја унапреди својата соработка со БРИКС

ИСТАНБУЛ (АА) - Туркије сака искрено да ја унапреди соработката со БРИКС, изјави денес турскиот претседател Реџеп Таип Ердоган, јавува Анадолу.

Говорејќи на собирот на претставници на Партијата за правда и развој (АК Парти) во главниот град Анкара, Ердоган рече дека верува оти тековниот самит на БРИКС во рускиот град Казан ќе биде инструмент за зајакнување на соработката на Туркије со Блокот.

Лидерите на земјите од БРИКС пристигнуваат во Казан за самитот кој започна денес, на кој се очекува присуството на 22 шефови на држави и шест челници на меѓународни организации.

Присуствувајќи како гостин, Ердоган на самитот треба да пристигне утре.

Тридневниот самит на БРИКС ги вклучува долгогодишните членки Бразил, Русија, Индија, Кина и Јужноафриканската Република - изворот на името на групацијата – кон кои неодамна се приклучија и Египет, Етиопија, Иран и Обединетите Арапски Емирати (ОАЕ).