ХАТАЈ (АА)
- АЈКУТ КАРАДАГ
Земјотресите во Кахраманмараш делумно ја оштетија и Црквата „Св. Богородица“ која се наоѓа во селото Вакифли, во подрачјето на градот Самандаг, во турската област Хатај, каде што живеат турски државјани со ерменско потекло, пишува Анадолу.
AA со дрон го сними Вакифли, кој на 6 февруари беше погоден од земјотресите со епицентар во турската област Кахраманмараш, од кои беа зафатени десет турски области.
Додека во селото со 130 жители немаше загуби за време на земјотресот, делумно се оштетени надворешните ѕидови на Црквата „Св. Богородица“, еден од симболите на селото. Оштетени се и селското училиште и некои куќи.
Никакви оштетувања не претрпе „Дрвото Муса“ (Мојсие) кое во 1981 година е регистрирано како дрво монумент. Се верува дека дрвото е жезолот на Муса (Мојсие) што тој го забил во почвата, а кое пораснало поради „водата на бесмртноста“.
Претставникот на локалната власт на Вакифли, Берч Картун, изјави дека тие спиеле кога одеднаш ги разбудил силен земјотрес.
Зборувајќи дека селото Вакифли е едно од ретките места во кое што немаше човечки жртви од земјотресот, Картун рече:
„Фала му на Бога, немаме човечки загуби во нашето село. Причинета е материјална штета. Не бевме во можност многу да ја следиме телевизиската програма. Вчера добивме струја. На цела Туркије ѝ изразувам сочувство, нема е со помин. Не дај Господе да се повтори. Оштетена е историската Црква „Св. Богородица“ во нашето село. Некои цркви и во центарот на Хатај, исто така претрпеа оштетувања во земјотресот и станаа неупотребливи. И историската црква во нашето село претрпе оштетувања внатре и надвор. Кога гледаме во каква состојба е Хатај, благодарни сме на сопствената ситуација. Чувствуваме болка кога ги гледаме уништените куќи и оние кои се извлечени од под урнатините.“
Информирајќи дека шест лица од ерменската заедница ги загубиле животите во земјотресите што го потресоа градот Хатај, Картун продолжи со зборовите: „Многу сме благодарни што нашата држава уште од првиот ден ни ги достави сите наши потреби, било да се потребни залихи или ќебиња. Господ да ве благослови илјадапати. Пристигна и помошта од нашите сограѓани. Кој, што и да испрати помош, многу ви благодарам на сите.“
