Со методот на убедување двајца терористи на ПКК се предадоа на турските безбедносни сили

АНКАРА

Министерството за внатрешни работи на Турција соопшти дека уште двајца терористи со методот на убедување им се предале на турските безбедносни сили, пренесува Агенција Анадолија (АА).

Според соопштението на Министерството, како резултат на напорите за убедување од страна на Генералниот директорат за безбедност и Генералната команда на жандармеријата, двајца припадници на терористичката организација ПКК им се предале на турските безбедносни сили.

Во соопштението се наведува дека еден од членовите на организацијата, што им се предал на безбедносните сили, во терористичката организација се приклучил во 1997 година и бил активен во Ирак и Сирија.

Другиот член на терористичката организација бил активен во Европа.

Во соопштението, исто така, се наведува дека бројот на членови на организацијата што се предале со методот на убедување се зголемил на 120 во 2021 година.