Турската царина заплени над 3 кг кокаин скриен во стомаците на тројца патници

ИСТАНБУЛ (АА) - Вкупно 3.880 грама кокаин запленија денес турските цариници на Аеродромот Истанбул, јавува Агенција Анадолија (АА).

По сомненијата на персоналот, со специјален скрининг-уред се откриени пакетчиња и капсули со дрогата во стомаците на тројца патници кои пристигнале од Колумбија, изјавија извори за АА.

Откриено е дека осомничените проголтале 190 капсули и 24 пластични пакувања кокаин со цел да ги прошверцуваат во Турција.

Тројцата осомничени, чиј идентитет не беше откриен, се приведени за обид за трговија со дрога.