Esra Tekin
04 Август 2023•Ажурирај: 05 Август 2023
АНКАРА (АА) - Турската разузнавачка служба, МИТ, денес неутрализира висок терорист на ПКК преку турската граница, во покраината Синџар во Северен Ирак, соопштија безбедносни извори, јавува Анадолу.
Идентификуван како Јилмаз Бајрам, познат и по неговото кодно име Агит Гевер, терористот бил главен логистичар на организацијата што им обезбедувал оружје и муниција на терористите, истакнаа изворите што побараа да останат анонимни.
Турската Национална разузнавачка служба (МИТ) ги следи високите припадници на ПКК и неодамна спроведе операција во Северен Ирак.
Терористите на ПКК имаат засолништа во Северен Ирак, близу до турската граница, кои ги користат за планирање напади во Туркије.
Во својата над 35-годишна терористичка кампања против Туркије, ПКК, која е ставена на листата терористички организации од страна на Туркије, САД и ЕУ, е одговорна за смртта на повеќе од 40.000 луѓе, меѓу кои и деца и жени.
