Турските сили неутрализираа тројца терористи на ПКК/ЈПГ во северен Ирак и Сирија

АНКАРА (АА) - Турските безбедносни сили неутрализираа тројца терористи на ПКК/ЈПГ во северен Ирак и Сирија, во близина на турската граница, соопшти денес турското Министерство за национална одбрана, јавува Анадолу.

Турските вооружени сили неутрализираа двајца терористи на ПКК/ЈПГ во регионот на операцијата „Штитот на Еуфрат“ во северна Сирија и уште еден терорист во зоната на операцијата „Канџа-катанец“ во северен Ирак, додаде Министерството.

Терористите често се кријат во северен Ирак, веднаш преку турската граница, каде планираат терористички напади во Туркије.

Анкара започна три успешни антитерористички операции од 2016 година преку својата граница во северна Сирија за да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ ( 2019). Терористите на ПКК/ЈПГ имаат обиди за таргетирање на турските војници и да го тероризираат локалното население.

Во својата 40-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца, жени и постари лица. ЈПГ е сириски огранок на ПКК.