Kosovë, turqishtja miratohet si gjuhë tradicionale në qytezën e Janjevës
Vendimi bënë të ditur se miratimi i turqishtes si gjuhë tradicionale në Janjevë, u bë “për ruajtjen dhe kultivimin e diversitetit kulturor dhe gjuhësor të komunitetit turk që vepron dhe jeton me komunitetet tjera në qytezën e Janjevës”
Kosova
Komuna e Lipjanit ka miratuar propozim-vendimin që gjuha turke të bëhet gjuhë tradicionale në qytezën e Janjevës.
Në vendimin e siguruar nga Anadolu bëhet e ditur se vendimi u miratua për njohjen e gjuhës turke si gjuhë tradicionale në qytezën e Janjevës së Komunës së Lipjanit, nga shumica e votave të Kuvendit Komunal.
Sipas vendimit, baza ligjore për ta miratuar këtë propozim-vendim është përcaktuar me dispozitat e Ligjit për Vetëqeverisjen Lokale.
Tutje, vendimi bënë të ditur se miratimi i turqishtes si gjuhë tradicionale në Janjevë, u bë “për ruajtjen dhe kultivimin e diversitetit kulturor dhe gjuhësor të komunitetit turk që vepron dhe jeton me komunitetet tjera në qytezën e Janjevës”.
Gjithashtu, vendimi u mor bazuar edhe në kërkesën e parashtruar nga ana e përfaqësuesve të komunitetit turk më 21 tetor 2024 drejtuar kryetarit të Komunës së Lipjanit, Imri Ahmeti.
Janjeva është qytezë e vjetër në Komunën e Lipjanit me mbi 2 mijë banorë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
