Mbyllet gazeta e FETO-s Zaman në Maqedoninë e Veriut
Në deklaratën e publikuar në ueb faqen e gazetës së FETO-s, theksohet se gazeta e shtypur në turqisht dhe revista e shtypur në shqip në ditët në vijim për herë të fundit do të takohet me lexuesit
Shkup
Organi i publikimit i Organizatës Terroriste FETO në Maqedoninë e Veriut, Zaman Maqedoni, ka vendosur mbylljen publikimit të shtypur si rezultat i vështirësive financiare, mos interesimit të popullit dhe luftës aktive të Turqisë, raporton Anadolu Agency (AA).
Në deklaratën e publikuar në ueb faqen e gazetës së FETO-s, theksohet se gazeta e shtypur në turqisht dhe revista e shtypur në shqip në ditët në vijim për herë të fundit do të takohet me lexuesit, ndërsa publikimet e saj do t’i vazhdojë në portalet online të lajmeve dhe mediat sociale.
Ministria pa resor përgjegjës për Komunikim, Llogaridhënie dhe Transparencë i Maqedonisë së Veriut më 28 janar njoftoi se gazetës "Zaman Maqedoni" të organizatës terroriste FETO i është ndarë mbështetje financiare.
Nga 13 mediume, 11 prej tyre u është ndarë mbështetje, përfshirë edhe gazetën "Zaman Maqedoni". Siç u njoftua, gazetës së FETO-s i janë ndarë 903.092 denarë (rreth 14.670 euro) në kuadër të këtij programi.
Pas kësaj, Ambasada e Turqisë në Shkup dhe politikanë me origjinë turke në vend reaguan ashpër ndaj vendimit, pranë ambasadës turke në Shkup u organizua protestë kundër vendimit të mbështetjes ndaj Maqedoni.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
