Greqi, protesta kundër ligjit të sigurisë së kampusit

Në Selanik të Greqisë kanë ndodhur përleshje midis protestuesve dhe forcave policore në demonstratat e mbajtura kundër një ligji të sigurisë së kampusit, transmeton Anadolu Agency (AA).

Duke cituar burime policore, mediat lokale raportojnë se 30 persona u arrestuan pasi pushtuan ndërtesën kryesore të Universitetit Aristotle të Selanikut.

Përleshjet filluar kur policia hyri në ndërtesë për të larguar protestuesit që kishin pushtuar ndërtesën e universitetit për disa orë.

Në fillim të këtij muaji, ligjvënësit grekë miratuan legjislacionin që do të lejojë forcat e policisë të ndërmarrin veprime në kampuset universitare për të ndaluar aktivitetet e paligjshme.

Rreth 166 deputetë votuan për, ndërsa 132 votuan kundër projekt-ligjit.

Sindikatat studentore dhe partitë opozitare e kritikuan ligjin e ri, duke theksuar se ai shkel të drejtat e tyre demokratike në kampus.