Me thirrjen e Unionit të Punonjësve të Medias në Greqi (ESHEA) të gjithë punonjësit e mediave shkuan në një grevë 24-orëshe, raporton Anadolu.

Në kuadër të grevës ku punonjësit kërkojnë rinovimin e kontratave kolektive të punës dhe kushte më të mira ekonomike, është ndërprerë publikimi i lajmeve në vend për 1 ditë.

Buletinet e lajmeve në radio dhe televizione u anuluan, ndërsa faqet e internetit gjithashtu ndaluan së ofruari përditësime të lajmeve.

Për shkak të grevës nesër në vend nuk do të dalin gazetat.

Greva filloi në orën 05.00 me kohën lokale, ndërsa do të përfundojë nesër në orën 05.00.