Kosovë, Naim Tërnava në krye të Bashkësisë Islame edhe për një mandat
Si kandidat i vetëm në këtë garë, Naim Tërnava do të jetë në krye të BIK-ut deri në vitin 2028
![Kosovë, Naim Tërnava në krye të Bashkësisë Islame edhe për një mandat](https://cdnuploads.aa.com.tr/uploads/Contents/2023/10/21/thumbs_b_c_69b29c838d434238b8b0c0a334153532.jpg?v=151651)
Prishtinë
Kuvendi i Bashkësisë Islame të Kosovës (BIK) ka zgjedhur edhe për një mandat në mënyrë unanime në krye të këtij institucioni myftiun Naim Tërnava, transmeton Anadolu.
Si kandidat i vetëm në këtë garë, Naim Tërnava do të jetë në krye të BIK-ut deri në vitin 2028, derisa kjo është hera e pestë që Tërnava rimerr drejtimin e BIK-ut.
Në mbledhjen konstituive të Kuvendit të BIK-ut fillimisht është konstituar me sukses Kuvendi i ri në përbërje prej 31 anëtarëve të rinj, kurse pastaj, delegatët kanë vazhduar me votimin e udhëheqësve të rinj të institucionit fetar.
Delegatët e ri të posacertifikuar kanë propozuar për kryetar të Kuvendit Ajni Sinanin dhe Jashar Salihun si dhe për nënkryetar Rrahim Aliun dhe Jetish Berishën. Me anë të votave të fshehta, kryetar i Kuvendit të Bashkësisë të Kosovës është zgjedhur Ajni Sinani, ndërsa nënkryetar Rrahim Aliu.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.