Kurti takon ambasadorin e Türkiyes në Kosovë, Sabri Tunç Angılı
Ky takim u zhvillua si vazhdimësi e vizitës së kryeministrit Kurti në Republikën e Türkiyes ditë më parë
![Kurti takon ambasadorin e Türkiyes në Kosovë, Sabri Tunç Angılı](https://cdnuploads.aa.com.tr/uploads/Contents/2024/07/12/thumbs_b_c_31e76f9156aa01bfaca09ed36c8e58a8.jpg?v=152842)
Prishtinë
Kryeministri i Republikës së Kosovës, Albin Kurti ka pritur në takim ambasadorin e Türkiyes në Kosovë, Sabri Tunç Angılı, transmeton Anadolu.
Siç njofton Zyra e Kryeministrit, kryeministri Kurti dhe ambasadori Angılı diskutuan rreth raporteve bilaterale ndërmjet Kosovës dhe Türkiyes, marrëdhënieve ekonomike, bashkëpunimit në fushën e mbrojtjes dhe sigurisë dhe rreth zhvillimeve të fundit në vend.
Ky takim u zhvillua si vazhdimësi e vizitës së kryeministrit Kurti në Republikën e Türkiyes ditë më parë.
Kryeministri Kurti qëndroi për vizitë disa ditore në Türkiye ku më 31 maj 2024 u prit në takim nga presidenti turk Recep Tayyip Erdoğan me të cilin tha se diskutuan për marrëdhëniet dypalëshe dhe mundësitë e thellimit të bashkëpunimit ekonomik dhe për mbrojtjen.
Takimi i sivjemë ishte takimi i dytë i Kurtit me Erdoğanin në Türkiye, pas atij në Istanbul, në shkurt 2023.