Mijëra njerëz, kryesisht të rinj, u mblodhën në sheshin “Maqedonia” në Shkup në një tubim paqësor në nderim të të vdekurve nga zjarri që përfshiu një klub nate në qytetin e Koçanit, raporton Anadolu.

Në tubimin në qendër të kryeqytetit të Maqedonisë së Veriut, pjesëmarrësit kërkuan llogari për tragjedinë dhe shprehën revoltën e tyre, duke mbajtur pankarta me mbishkrime si “Populli vuan ndërsa sistemi pushon”; ​​“Korrupsioni djeg, të pafajshmit digjen”; “Rekorderë me ditë zie”; “Nuk do të kishte kaq shumë gjak nëse do të ishte sipas ligjit”; dhe “Të gjitha vitet e heshtjes mbyllen me një minutë heshtje”.

📍Mijëra njerëz, kryesisht të rinj, u mblodhën në sheshin “Maqedonia” në Shkup në një tubim paqësor në nderim të të vdekurve nga zjarri që përfshiu një klub nate në qytetin e Koçanit.
🔗https://t.co/dCB2Z9Lypk pic.twitter.com/aAUYMqeWUL

— Anadolu Shqip (@aa_albanian) March 18, 2025

Nëpërmjet dritave, të pranishmit po ashtu shprehën solidaritet dhe ngushëllimet e tyre.

Në orët e para të 16 marsit, në një diskotekë në Koçan shpërtheu një zjarr i tmerrshëm, ku 59 persona humbën jetën dhe mbi 150 u lënduan. Sipas informacioneve nga Ministria e Shëndetësisë, 72 të lënduar janë duke u trajtuar jashtë vendit, përfshirë edhe në Türkiye.

Autoritetet gjyqësore kanë caktuar masën e paraburgimit afatshkurtër për 16 persona. Siç njoftohet, lokali në fjalë ka nuk ka vepruar sipas rregullores dhe nuk ka pasur licencë pune.

Protesta paralele po zhvillohen pothuajse në të gjitha qytetet e Maqedonisë së Veriut.