Numërohen 98,97 për qind e votave në Kosovë, Lëvizja Vetëvendosje siguron 40,8 për qind
Pas saj, subjekti i dytë më i madh është Partia Demokratike e Kosovës (PDK) me 22,16 për qind të votave të siguruar, ndjekur nga Lidhja Demokratike e Kosovës (LDK) me 17,59 për qind
Foto: Erkin Keçi/AA
Prishtinë
Komisioni Qendror i Zgjedhjeve (KQZ) ka përditësuar të dhënat e procesit të numërimit në faqen elektronike, të cilat nuk kanë ndryshuar radhitjen e partive politike, por vetëm përqindjet e votave që kanë siguruar ato, transmeton Anadolu.
Nga 98,97 për qind e votave të numëruara në gjithë territorin e Kosovës, Lëvizja Vetëvendosje vazhdon të jetë partia e parë me 40,8 për qind të votave të siguruar.
Pas saj, subjekti i dytë më i madh është Partia Demokratike e Kosovës (PDK) me 22,16 për qind të votave të siguruar, ndjekur nga Lidhja Demokratike e Kosovës (LDK) me 17,59 për qind.
Koalicioni Aleanca për Ardhmërinë e Kosovës (AAK) dhe Nisma kanë siguruar 7,46 për qind.
Partia Lista Serbe ka siguruar 4,42 për qind, derisa subjekti i ri politik që garoi për herë të parë në këto zgjedhje nacionale, respektivisht Koalicioni për Familje, siguroi 2,26 për qind të votave.
Sipas KQZ-së, nga 2.297 vendvotime apo nga 90,68 për qind e vendvotimeve të përpunuara nga gjithsej 2.533, në zgjedhjet e 9 shkurtit për Kuvendin e Kosovës kanë votuar 40,04 për qind apo 789.172 votues nga 1.970.944 sa ishin në listën me të drejtë vote.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
 me 22,16 për qind të votave të siguruar, ndjekur nga Lidhja Demokratike e Kosovës (LDK) me 17,59 për qind){kind=link}