Rumania do t'i dhurojë Ukrainës sistem të mbrojtjes ajrore Patriot
Zëdhënësi i qeverisë tha se bateria do të dërgohet shpejt në Ukrainë pas miratimit të parlamentit
Atina
Qeveria rumune miratoi dhurimin e një baterie të sistemit të mbrojtjes ajrore Patriot për Ukrainën, njoftoi media lokale, transmeton Anadolu.
Duke folur në konferencën për shtyp pas një takimi të kabinetit, zëdhënësi i qeverisë Mihai Constantin tha se projektligji që mundëson dhurimin e një baterie të sistemit të mbrojtjes ajrore Patriot për Ukrainën do të dërgohet me shpejtësi në parlament, tha gazeta News.Ro.
Constantin shtoi se bateria do të dërgohet shpejt në Ukrainë pas miratimit të parlamentit.
Në korrik, Rumania nënshkroi një marrëveshje bashkëpunimi për sigurinë me Ukrainën.
Në qershor, Këshilli i Sigurisë Kombëtare i Rumanisë njoftoi dhurimin e sistemit Patriot Ukrainës në përgjigje të sulmeve ajrore ruse ndaj objektivave dhe infrastrukturës civile.
Në vitin 2017, vendi nënshkroi një marrëveshje prej 4 miliardë dollarësh për të blerë shtatë sisteme të tilla nga SHBA-ja.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
