Ministri i Administratës Publike i Maqedonisë së Veriut, Goran Minçev, dhe homologu i tij slloven, Franc Props, nënshkruan sot në Shkup një memorandum mirëkuptimi dhe bashkëpunimi në reformën e administratës publike të Maqedonisë së Veriut, raporton Anadolu.

Ministrat Minçev dhe Props u pajtuan se memorandumi paraqet një moment historik të rëndësishëm në marrëdhëniet dypalëshe të dy vendeve dhe tregon përkushtimin e tyre për forcimin e bashkëpunimit.

Ministri Minçev theksoi se memorandumi paraqet një hap të rëndësishëm drejt modernizimit të administratës publike të Maqedonisë së Veriut dhe ka për qëllim ofrimin e shërbimeve më efikase dhe më të mira për qytetarët.

Ndërkaq, Props tha se bashkëpunimi mes dy ministrive do të synojë përmirësimin e efikasitetit të shërbimeve publike, modernizimin e proceseve administrative, forcimin e digjitalizimit dhe trajnimin e stafit.