BALLKANI

Türkiye shpreh ngushëllimet për jetët e humbura në zjarrin në Koçani

"Shprehim ngushëllimet tona për të afërmit e të ndjerëve dhe për popullin e Maqedonisë së Veriut, ndërsa të plagosurve u urojmë shërim të shpejtë”, tha ministria turke

Gökhan Çeliker  | 16.03.2025 - Përdıtësım : 16.03.2025
Türkiye shpreh ngushëllimet për jetët e humbura në zjarrin në Koçani Foto: Umeys Sulejman/AA

Ankara

Ministria e Punëve të Jashtme e Türkiyes ka shprehur ngushëllime për të afërmit e personave që humbën jetën nga zjarri në Koçani të Maqedonisë së Veriut, si dhe për popullin e vendit, transmeton Anadolu.

Ministria turke në një mesazh ngushëllimi shprehu “keqardhje të thellë” për humbjen e jetëve në zjarrin që shpërtheu gjatë një ngjarje argëtuese në Koçani.

“Shprehim ngushëllimet tona për të afërmit e të ndjerëve dhe për popullin e Maqedonisë së Veriut, ndërsa të plagosurve u urojmë shërim të shpejtë”, tha ministria turke.

Sipas informacioneve të fundit nga autoritetet e vendit, të paktën 59 persona humbën jetën në zjarrin që shpërtheu në një diskotekë në Koçani, ndërsa u plagosën rreth 155 të tjetër të cilët janë transportuar në spitalet e kryeqytetit Shkup dhe të qyteteve përreth.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.