Ambasadori i Türkiye-s në Tel Aviv i dorëzon letrat kredenciale presidentit izraelit
Ambasadori turk, Şakir Özkan Torunlar, u prit në një ceremoni të mbajtur nga Herzog në rezidencën presidenciale të Izraelit në Kudsin Perëndimor
Foto: Mostafa Alkharouf/AA
Kuds
Ambasadori i Türkiye-s në Tel Aviv, Şakir Özkan Torunlar, i dorëzoi letrat kredenciale presidentit të Izraelit, Isaac Herzog, transmeton Anadolu Agency (AA).
Ambasadori Torunlar u prit në një ceremoni të mbajtur nga Herzog në rezidencën presidenciale të Izraelit në Kudsin Perëndimor.
Pas intonimit të himnit kombëtar, Torunlar i paraqiti presidentit të Izraelit letrat kredenciale.
- Marrëdhëniet Türkiye-Izrael
Türkiye dhe Izraeli përgjatë vitit 2022 kanë ndërmarrë shumë hapa për zhvillimin e marrëdhënieve reciproke.
Vizita e presidentit izraelit, Isaac Herzog, e zhvilluar në Ankara në mars 2022, u pasua në maj nga vizita në Izrael e ministrit të Jashtëm të Türkiye-s, Mevlüt Çavuşoğlu. Edhe kryeministri izraelit në atë periudhë, Yair Lapid, vizitoi Türkiye-n në muajin qershor.
Türkiye dhe Izraeli më 17 gusht 2022 vendosën që të rrisin në nivelin më të lartë marrëdhëniet diplomatike me emërimin e ambasadorëve në mënyrë reciproke.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
