Bernie Sanders rizgjidhet në Vermont, siguron mandatin e katërt në Senatin e SHBA-së
Sipas parashikimeve të mediave amerikane, senatori progresiv 83-vjeçar, i cili ka grupe parlamentare me demokratët, do të vazhdojë karrierën e tij prej dekadash në Washington, duke filluar një mandat të ri 6-vjeçar
Foto: AA/Arkiv
Washington DC
Senatori i pavarur Bernie Sanders nga shteti amerikan Vermont ka fituar rizgjedhjen e tij, duke mundur kundërshtarin republikan Gerald Malloy dhe duke siguruar edhe një mandat të katërt në Senatin e SHBA-së, transmeton Anadolu.
Sipas parashikimeve të mediave amerikane, senatori progresiv 83-vjeçar, i cili ka grupe parlamentare me demokratët, do të vazhdojë karrierën e tij prej dekadash në Washington, duke filluar një mandat të ri 6-vjeçar duke përfaqësuar shtetin.
Sanders, i zgjedhur për herë të parë në Dhomën e Përfaqësuesve të SHBA-së në vitin 1991, kaloi në Senat në vitin 2007. Ai kandidoi për president në vitet 2016 dhe 2020. Edhe pse identifikohej si i pavarur, Sanders pritet të vazhdojë të punojë ngushtë me demokratët.
Sanders mbështeti zv/presidenten Kamala Harris në garën presidenciale të këtij viti për Shtëpinë e Bardhë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
