Ankara
Presidenti i SHBA-së, Joe Biden e uroi Donald Trumpin përmes një telefonate pas fitores në zgjedhjet presidenciale, transmeton Anadolu.
Në deklaratën e Shtëpisë së Bardhë thuhet se Biden ka biseduar në telefon me Trumpin, i cili fitoi në zgjedhjet presidenciale.
Duke e uruar Trumpin për fitoren e tij në zgjedhje, Biden premtoi se do të punojë për një "tranzicion të qetë" përpara ceremonisë së inaugurimit që do të mbahet në janar 2025.
Biden e ftoi Trumpin për t'u takuar në Shtëpinë e Bardhë dhe theksoi rëndësinë e punës për të "bashkuar vendin".
Në zgjedhjet presidenciale të mbajtura më 5 nëntor në SHBA, republikani Trump u bë presidenti i 47-të i vendit duke fituar 270 delegatë.
Trump do të fillojë zyrtarisht detyrën pas betimit më 20 janar 2025.
![](http://www.facebook.com/sharer.php?u=https://www.aa.com.tr/sq/bota/biden-telefonon-trumpin-dhe-e-përgëzon-për-suksesin-në-zgjedhje/3386917&p[images][0]=https://cdnuploads.aa.com.tr/uploads/Contents/2024/11/07/thumbs_b_c_22048ecf3d529e8ab399f564d08e7a08.jpg?v=114802&p[title]=Biden telefonon Trumpin dhe e përgëzon për suksesin në zgjedhje&p[summary]=Presidenti amerikan Biden premtoi se do të punojë për një "tranzicion të qetë" përpara ceremonisë së inaugurimit që do të mbahet në janar 2025){kind=link}