Bolton: Irani qëndron mbrapa sulmeve ndaj cisternave të naftës

Këshilltari i Sigurisë Kombëtare i SHBA-ve, John Bolton, ka akuzuar Iranin se qëndron pas sulmeve në fillim të këtij muaji kundër cisternave të naftës jashtë brigjeve të Emirateve të Bashkuara Arabe (EBA), transmeton Anadolu Agency (AA).

Duke folur në Abu Dhabi, Bolton tha se sulmet ndaj cisternave jashtë brigjeve të EBA-s ndodhën flotat detare “pa dyshim se nga Irani”.

Ndërkohë, Bolton akuzoi Teheranin se kërkon blerjen e armëve bërthamore.

“Nuk ka asnjë arsye” për tërheqjen e Iranit nga marrëveshja bërthamore dhe as për synimin e armëve bërthamore”, tha Bolton.

EBA tha se katër anije, duke përfshirë dy cisterna të naftës, u goditën nga sulmet sabotuese pranë ujërave territoriale, por nuk fajësoi askënd për sulmet.

Arabia Saudite po ashtu tha se dronë ushtarakë kryen sulmet ndaj dy stacioneve të pompimit të naftës në tubacionin Lindje-Perëndim, që transportonte naftë nga provinca lindore në portin Yanbu të Detit të Kuq.

Riadi për sulmet ka fajësuar rebelët Houthi të mbështetur nga Irani në Jemen.