Brazil, në 24 orët e fundit shënohen 188 vdekje nga COVID-19

Në shtetin e Amerikës Jugore, Brazil, gjatë 24 orëve të fundit janë shënuar 188 vdekje si pasojë e koronavirusit të ri (COVID-19), transmeton Anadolu Agency (AA).

Në një deklaratë nga Ministria e Shëndetësisë thuhet se për shkak të koronavirusit, me 188 vdekje të reja të shënuara në 24 orët e fundit numri i të vdekurve në vend ka arritur në 1.924, ndërsa me 2.105 raste të reja ka arritur në 30.425 numri gjithsej i rasteve.

Brazili, popullsia e të cilit arrin në rreth 210 milionë banorë, është një nga vendet më të prekura nga COVID-19 në Amerikën Latine.

Rasti dhe vdekja e parë me burim nga virusi COVID-19 në rajon u shënua në Brazil.