Britani, rritet në 35.704 numri i të vdekurve nga COVID-19

Numri i të vdekurve nga koronavirusi i ri (COVID-19) në Mbretërinë e Bashkuar është rritur në 35.704, raporton Anadolu Agency (AA).

Sipas ministrit të Kulturës Oliver Dowden, i cili u adresua në konferencën e përditshme për shtyp, numri i viktimave të shkaktuara nga COVID-19 u rrit me 363 në vend në 24 orët e fundit.

Numri i të infektuarve deri më tani në Britani ka arritur në 248.293, pasi në 24 orët e kaluara janë diagnostikuar 2.472 persona.

Me 177.216 teste të reja, numri i testeve në Britani ka arritur në 2.962.227.

Dowden tha se në kuadër të fushatave humanitare të institucioneve të ndryshme deri më tani janë tubuar 800 milionë sterlina.

Në fjalën e tij, Dowden tha se "lista e nderit" e cila publikohet çdo vit me rastin e ditëlindjes së Mbretëreshës Elizabeta e Dytë, këtë vit do të shpallet në vjeshtë, në mënyrë që të mund të shtohen edhe "heronjtë" të cilët luftuan në front kundër pandemisë.

Mbretëria e Bashkuar zë vendin e dytë në botë pas SHBA-së dhe të parin në Evropë për sa i përket numrit të viktimave.