Britania sfidon Korenë e Veriut, i bashkohet manovrës ushtarake në Jug

SEUL (AA) – Avionët luftarakë të Britanisë së Madhe morën pjesë të martën në stërvitjen ushtarake në Korenë e Jugut, që ka ngjallur kujtimet e përfshirjes britanike në Luftën e Koresë, raporton Anadolu Agency (AA).

Koreja e Veriut më herët dërgoi paralajmërimet e veta në të cilat kërkonte që Britania të anulojë planet për përfshirjen e saj në stërvitje.

Zëdhënësi i Phenianit përshkroi përfshirjen britanike në operacionin “Mburoja e Pamposhtur”, si diçka që seriozisht sfidon paqen dhe sigurinë.

Katër avionë britanikë “Eurofighter Typhoon” ishin pjesë përbërëse e stërvitjes bashkë me forcat homologe nga Koreja e Jugut dhe Shtetet e Bashkuara të Amerikës (SHBA).