MUHAMMED ENES YILDIRIM

Liqeni Issyk-Kul, i cili njihet si perla e vendit në Kazakistan, tërheq vëmendjen e vizitorëve në të gjitha stinët e vitit me bukurinë e tij, shkruan Anadolu.

Në liqen dhe rrethinat e tij, një nga destinacionet e rëndësishme turistike të vendit, organizohen edhe ture me guidë.

Bujtinat dhe hotelet funksionojnë në rajon gjatë gjithë vitit, ndërsa shtigje ngjitjesh shkëmboresh dhe të ecjes u ofrohen adhuruesve të alpinizmit.

Liqeni ndodhet në Parkun Kombëtar Ile-Alatau, me një lartësi mbidetare prej 1.756 metrash. Sipas gjeologëve, liqeni është formuar më shumë se 8 mijë vjet më parë, kur një tërmet i fuqishëm shkaktoi një shembje në male dhe u shfaq një pengesë rreth 300 metra e lartë.

Në periudhën sovjetike rajoni ishte një nga vendet më të rëndësishme të pushimit.

Sidomos në vjeshtë, bimësia gjethegjerë rreth liqenit krijon imazhe të mrekullueshme me të gjitha nuancat e verdha dhe portokalli.

Liqeni posedon lloje të ndryshme të peshqve ndërsa përreth tij gjenden 30 lloje gjitarësh, përfshirë drerin e kuq, dhinë e malit, ujkun, rrëqebullin, ariun dhe leopardin.