Disa të plagosur në rrëzimin e helikopterit në Kaliforni

Disa persona janë plagosur pasi një helikopter u rrëzua pranë qytetit Huntington Beach në Kaliforni, raporton Anadolu.

Policia e qytetit tha se dy persona që ndodheshin në helikopter u nxorën në mënyrë të sigurt nga rrënojat, megjithëse gjendja e tyre mbetet e paqartë.

Tre këmbësorë që ishin në rrugë gjithashtu u plagosën dhe të gjithë u transportuan në spital.

Autoritetet mbyllën zonën dhe nisën një hetim mbi rrëzimin e helikopterit. Autoritetet thanë se shkaku i rrëzimit ende mbetet i paqartë dhe nuk kanë dhënë detaje të mëtejshme.