Ekuador, 18 policë të zhdukur dhe 6 të plagosur në protestat e dhunshme

Protestat antiqeveritare vazhduan në ditën e dhjetë të grevës kombëtare të enjten në kryeqytetin e Ekuadorit, raporton Anadolu Agency (AA).

Ministri i Brendshëm i Ekuadorit, Patricio Carrillo deklaroi të mërkurën se 18 policë janë të zhdukur ndërsa 6 janë kapur nga protestuesit në qytetin Puyo.

Dhuna në rritje në vendin e Amerikës së Jugut la gjithashtu një protestues të vdekur, sipas qeverisë të martën vonë.

Policia ka kërkuar “që autopsia të kryhet me transparencë me mjeko-ligjorë që nuk i përkasin institucionit”, tha Carrilo.

"Ata u përpoqën t'u vënë zjarrin pjesëtarëve të policisë brenda automjeteve të patrullës. Këto akte nuk janë protesta sociale, këto janë akte kriminale", tha Carrillo.

Kjo e çon në dy numrin e viktimave në protestat që vijojnë prej 10 ditësh.

Carrillo tha se 6 oficerë u plagosën dhe 18 automjete u dogjën.

"Personat në gjendje të dehur krijuan turma e cila pengonte njerëzit të marrin kujdes shëndetësor, ambulancë dhe ushqim. Mungesat në qytet tashmë po arrijnë nivele të patolerueshme", tha Carrillo në një konferencë për media.

Protestat eskaluan në të dhunshme të martën kur protestuesit u përballën me policinë dhe ushtarët ku u përdorën eksplozivë dhe armë. Policia u përlesh me protestuesit duke përdorur gaz lotsjellës.

Protestat antiqeveritare në Ekuador hynë në javën e dytë dhe tensionet po rriten mes policisë dhe banorëve indigjenë, të cilët hynë në kryeqytetin e vendit, Kuito, të dielën.

Banorët indigjenë, studentët dhe organizatat sociale kërkojnë nga presidenti Guillermo Lasso të ulë kostot e benzinës dhe mallrave bujqësore që të anulojë privatizimin e shërbimeve publike dhe të ndalojë rritjen shtesë të naftës dhe minierave, midis koncesioneve të tjera.

Lasso tha se është i hapur për dialog, por ka theksuar se autoritetet nuk do të lejojnë grupet politike të destabilizojnë vendin.

Udhëheqësit indigjenë kanë vendosur një sërë kushtesh për bisedime dhe kanë paralajmëruar se protestat do të vazhdojnë derisa Lasso të pranojë kërkesat e tyre.

Banorët indigjenë përbëjnë rreth 1 milion nga 17.7 milionë banorët e Ekuadorit.